Lotogatasi lautele mo tagata uma i Niu Sila | Samoan

Closes 31 Oct 2021

Contents

E finagalo le Mālō ina ia maua mai ni tuualalo mai le loaloa o vaega o tagata i le galuega o le faatinoina o fautuaga mai le Royal Commission of Inquiry ina ia faamausaliina ai le lotogatasi lautele. O lau tuualalo ma manatu faaalia o le a faatonutonufolau ai faaiuga mulimuli a le Mālō.

E mafai ona maua iinei faamatalaga o galuega ua mae'a ona faia ina ia faatino ai isi fautuaga na tuuina mai.

Tago e fai le su'esu'ega lenei e ala i le kilikiina o vaega taitasi o loo i le ata [table] ua fa'aalia i lalo. Faitau pe tali i fesili o loo i totonu o vaega taitasi ona kiliki lea o le "continue" e te toe foi ai i le ata ina ia filifili ai le vaega o sosoo ai o le su'esu'ega. Pe a mae'a le su'esu'ega, kiliki le faailo o le "Finish" o loo i le pito i lalo o le ata ina ia tuuina mai au tali. E te lē moomia ona taliina fesili uma matou te fesili atu ai – e mafai ona e filifili e tali fesili e tāua ia te oe.

E mafai ona fai folasaga mai le aso 25 Iuni e oo i le aso 31 Oketopa 2021

E amata le faiga o folasaga i le aso 25 Iuni ma o le a faamuta i le aso 31 Oketopa 2021.

E mafai ona fai mai sau folasaga i luga o le initaneti pe ete tusi mai foi

E mafai ona faaoo mai lau folasaga i le upega tafa'ilagi a le MSD. Ua saunia i lenei itulau auala faigofie mo oe e tuuina mai ai ia i matou lau tuualalo.

Matou te talia foi folasaga tusitusia e lafo mai i le Ministry of Social Development, PO Box 1556, Wellington 6140.

Malupuipuia o au faamatalaga

O faamatalaga e te tuuina mai i le MSD o le a faaaogā e logosa'ia ai le Mālō i se auala e faamalosia atili ai le lotogatasi lautele. O le a vailiili lau tali mai mo manatu autū, e tuu i se lipoti ma faasoa atu i isi matagaluega a le Mālō. O le a lolomi foi e le MSD le aotelega o le lipoti i luga o le latou upega tafailagi. O le a folasia mai lipoti i se auala o le a lē maitaulia ai oe.

O loo galulue foi le Ministry of Justice ma le Department of Internal Affairs ina ia faatino isi fautuaga mai le Royal Commission of Inquiry. Mātau mai faamolemole, atonu e faasoa atu lau tali i se tasi o isi faalapotopotoga pe afai e talitonu le MSD e fetaui ona latou vailiilia se tali e sili ona fetaui ma a latou galuega. Soo se faamatalaga e faasoa atu e le MSD i nā faalapotopotoga o le a faaoo atu i ai i se tulaga malupuipuia. Faamolemole ia faailoa mai pe afai e te lē manao e faasoa atu ou faamatalaga i nā faalapotopotoga.

O faamatalaga uma e te tuuina mai i le MSD o le a aoina, taofi, fa'aaoga ma faailoa e tusa ai ma le Privacy Act 2020. E iai lau aiātatau e te maua ai ma faasa'o soo se faamatalaga o loo teu e le MSD e uiga ia te oe.

Mātau mai faamolemole, atonu e noatia lau tali mai i se talosaga i le MSD mo faamatalaga i lalo o le Official Information Act 1982. Faamolemole aua ne'i e tuuina mai i lau tali se faamatalaga e ono mafai ona maitaulia ai oe poo se isi tagata. Mātau mai foi faamolemole, pe a oo ina faaoo mai lau tali o le a faamau foi e le MSD lou tuātusi IP mo le fuafuaga o le su'eina ma le tali atu i ni faaletonu tau le tuātusi tau IT.

Faiga o se folasaga i se isi gagana

E tele gagana o loo fai ai lenei su'esu'ega, e aofia ai le te reo Māoli ma le New Zealand Sign Language (NZSL). E pule lava oe i le gagana e te filifilia e fai mai ai lau folasaga.

O le a faatulaga e le MSD se faaliliu'upu agavaa e faaliliuina lau tali i le gagana Peretania ina ia mafai ai e le MSD ona va'ili'ili lau tali. O le a toe lafo e le faaliliu’upu lau ulua’i tali tali ma lona faaliliuga faa-Peretania i le MSD ona tapē ese ai lea o lenei faamatalaga mai le latou system. O le a felafoa'i lava ou faamatalaga i le va o le MSD ma le faaliliu'upu i se faiga malupuipuia, ma o le a taulima foi e le faaliliu'upu i se tulaga talafeagai ma ia tusa ai ma le Privacy Act 2020.

Page Response
Faatomuaga a le Minisita This page has no questions
Tala'aga ma tulaga patino This page has no questions
Faamatala mai poo ai oe
0 percent complete
0 of 4 questions answered
1. I'uga o le lotogatasi lautele – o le ā le mea e tāua ia te oe?
0 percent complete
0 of 2 questions answered
2. O le a faapefea ona tatou iloa pe o iai se faaleleiga ia tatou taumafaiga?
0 percent complete
0 of 2 questions answered
3. O le ā se mea ua ta'u mai e faamaoniga e uiga i le fafauina o le lotogatasi lautele
0 percent complete
0 of 3 questions answered
4. Faia gaioiga e faamalosia ai le lotogatasi lautele
0 percent complete
0 of 3 questions answered